ਨੀਰਵ ਮੋਦੀ ਨੇ ਕੈਨੇਡਾ 'ਚ ਮਾਰੀ ਠੱਗੀ, ਕਰੋੜਾਂ 'ਚ ਵੇਚੀਆਂ ਨਕਲੀ ਹੀਰੇ ਦੀਆਂ ਮੁੰਦਰੀਆਂ

ਨਵੀਂ ਦਿੱਲੀ- ਪੀਐੱਨਬੀ ਘਪਲਾ ਮਾਮਲੇ ਦਾ ਦੋਸ਼ੀ ਨੀਰਵ ਮੋਦੀ ਵਿਦੇਸ਼ਾਂ 'ਚ ਵੀ ਲੋਕਾਂ ਨੂੰ ਚੁਨਾ ਲੱਗਾ ਰਿਹਾ। ਜਾਣਕਾਰੀ ਮੁਤਾਬਿਕ ਨੀਰਵ ਮੋਦੀ ਨੇ ਕਨਾਡਾ ਦੇ ਨਿਵਾਸੀ 36 ਸਾਲਾ ਪੌਲ ਅਲਫੌਂਸੇ ਨੂੰ 2 ਲੱਖ ਡਾਲਰ ਦੀਆਂ 2 ਮੁੰਦਰੀਆਂ ਵੇਚ ਦਿੱਤੀਆਂ। ਪੌਲ ਨੇ ਨੀਰਵ ਮੋਦੀ 'ਤੇ ਦੋਸ਼ ਲਗਾਇਆ ਹੈ ਕਿ ਨੀਰਵ ਨੇ ਉਨ੍ਹਾਂ ਨੂੰ ਨਕਲੀ ਹੀਰੇ ਦੀ ਮੁੰਦਰੀਆਂ ਵੇਚ ਦਿੱਤੀਆਂ। ਪੌਲ ਨੇ ਇਹ ਮੁੰਦਰੀ ਆਪਣੀ ਮੰਗਤੇਰ ਲਈ ਖਰੀਦੀ ਸੀ। 'ਸਾਊਥ ਚਾਈਨਾ ਮਾਰਨਿੰਗ ਪੋਸਟ' ਦੀ ਇਕ ਰਿਪੋਰਟ ਮੁਤਾਬਿਕ ਪੌਲ ਦਾ ਕਹਿਣਾ ਹੈ ਕਿ ਉਹ ਕਈ ਵਾਰ ਨੀਰਵ ਮੋਦੀ ਨਾਲ ਮਿਲੇ ਸੀ ਤੇ ਉਨ੍ਹਾਂ ਦੀ ਮੁਲਾਕਾਤ ਦੋਸਤੀ 'ਚ ਬਦਲ ਗਈ। ਇਸ ਦੌਰਾਨ ਨੀਰਵ ਨੇ ਉਨ੍ਹਾਂ ਨੂੰ ਆਪਣੇ ਬਾਰੇ 'ਚ ਸਭ ਕੁਝ ਦੱਸਿਆ, ਜਿਸ ਕਾਰਨ ਪੌਲ, ਨੀਰਵ 'ਤੇ ਭਰੋਸਾ ਕਰਨ ਲੱਗ ਪਏ। ਜਦੋਂ ਪੌਲ ਨੂੰ ਪਤਾ ਲਗਿਆ ਕਿ ਨੀਰਵ ਇਕ ਹੀਰਾ ਕਾਰੋਬਾਰੀ ਹੈ, ਤਾਂ ਉਨ੍ਹਾਂ ਨੇ ਆਪਣੀ ਮੰਗਤੇਰ ਲਈ ਵਧੀਆ ਮੁੰਦਰੀ ਬਣਾਉਣ ਬਾਰੇ ਗੱਲ ਕੀਤੀ। ਪੌਲ ਨੇ ਦੱਸਿਆ ਕਿ ਉਨ੍ਹਾਂ ਨੀਰਵ ਦੇ ਬੈਂਕ ਘੁਪਲੇ 'ਚ ਸ਼ਾਮਲ ਹੋਣ ਦੀ ਜਾਨਕਾਰੀ ਨਹੀਂ ਸੀ। ਹੁਣ ਅਲਫੌੇਸੇ ਨੇ ਕੈਲਫੋਰਨੀਆ ਦੀ ਸੁਪੀਰੀਅਰ ਅਦਾਲਤ 'ਚ ਨੀਰਵ ਮੋਦੀ ਖਿਲਾਫ 30.66 ਕਰੋੜ ਰੁਪਏ ਦੇ ਮੁਆਵਜ਼ੇ ਦੀ ਮੰਗ ਕੀਤੀ ਹੈ। ਇਸ ਮਾਮਲੇ ਦੀ ਸੁਣਵਾਈ ਜਨਵਰੀ 2019 'ਚ ਹੋਵੇਗੀ।

from Punjabi News -punjabi.jagran.com https://ift.tt/2NwDXhc
via IFTTT