ਧੋਖਾਧੜੀ ਨਾਲ ਐੱਸਬੀਆਈ ਤੋਂ ਕਰਜ਼ਾ ਲੈਣ ਵਾਲੀ ਹੈਦਰਾਬਾਦ ਦੀ ਕੰਪਨੀ 'ਤੇ ਕੇਸ ਦਰਜ

ਨਵੀਂ ਦਿੱਲੀ (ਪੀਟੀਆਈ) : ਸੀਬੀਆਈ ਨੇ ਹੈਦਰਾਬਾਦ ਸਥਿਤ ਇਕ ਕੰਸਟ੍ਕਸ਼ਨ ਤੇ ਲੀਜ਼ਿੰਗ ਕੰਪਨੀ ਦੇ ਪ੍ਮੋਟਰਾਂ ਖ਼ਿਲਾਫ਼ ਅਪਰਾਧਿਕ ਸਾਜ਼ਿਸ਼ ਰਚਣ ਤੇ ਕਰਜ਼ਾ ਲੈਣ 'ਚ ਧੋਖਾਧੜੀ ਦੇ ਦੋਸ਼ 'ਚ ਮਾਮਲਾ ਦਰਜ ਕੀਤਾ ਹੈ। ਖਾਸ ਗੱਲ ਇਹ ਹੈ ਕਿ ਕੰਪਨੀ ਵੱਲੋਂ ਲਿਆ ਗਿਆ ਕਰਜ਼ਾ ਬਾਅਦ ਵਿਚ ਗ਼ੈਰ ਪਰਫਾਰਮਿੰਗ ਅਸੈਟਸ (ਐੱਨਪੀਏ) 'ਚ ਬਦਲ ਗਿਆ ਸੀ, ਜਿਸ ਨਾਲ ਭਾਰਤੀ ਸਟੇਟ ਬੈਂਕ ਨੂੰ 8.20 ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ।

ਅਧਿਕਾਰੀਆਂ ਨੇ ਕਿਹਾ ਕਿ ਕੰਪਨੀ ਬੀਐੱਨਆਰ ਇੰਫ੍ਰਾ ਐਂਡ ਲੀਜ਼ਿੰਗ ਲਿਮਟਿਡ ਦੇ ਨਾਲ ਹੀ ਉਸਦੇ ਪ੍ਮੋਟਰਾਂ ਬੀ ਨਰਸਿਮਹਾ ਰੈੱਡੀ, ਐੱਸ ਬਿੰਦੂਸਾਗਰ ਰੈੱਡੀ, ਐਡਵੋਕੇਟ ਨੇਲੂਤਲਾ ਜਗਨ, ਵੀ ਨਰਸਿੰਗਾ ਰਾਓ ਅਤੇ ਡੀ ਪ੍ਭਾਕਰ ਰੈੱਡੀ ਅਤੇ ਜਾਇਦਾਦ ਦਾ ਮੁਲਾਂਕਣ ਕਰਨ ਵਾਲੇ ਐੱਨ ਦੱਤਾਤ੍ਰੇਅਯੂਡੂ ਅਤੇ ਐੱਲ ਕਿਸ਼ੋਰ ਚੰਦ ਦੇ ਖਿਲਾਫ਼ ਰਿਪੋਰਟ ਦਰਜ ਕੀਤੀ ਗਈ ਹੈ।

------

ਕਰਜ਼ਾ ਪ੍ਕਿਰਿਆ ਦੌਰਾਨ ਕੰਪਨੀ ਨੂੰ ਬਣਾ ਦਿੱਤਾ ਗਿਆ ਭਾਈਵਾਲ ਫਰਮ

ਐੱਫਆਈਆਰ ਮੁਤਾਬਕ ਕੰਪਨੀ ਦੇ ਪ੍ਰੋਪ੍ਰਾਈਟਰ ਬੀ ਨਰਸਿਮਹਾ ਰੈੱਡੀ ਦੇ ਨਾਂ 'ਤੇ 16,940 ਵਰਗ ਗਜ਼ ਜ਼ਮੀਨ ਸੀ। ਇਸਦੇ ਬਦਲੇ ਕੰਪਨੀ ਨੂੰ 2011 'ਚ ਦੋ ਕਰੋੜ ਰੁਪਏ ਦੀ ਨਕਦ ਕਰਜ਼ਾ ਸਹੂਲਤ ਤੇ ਇਕ ਕਰੋੜ ਰੁਪਏ ਦੀ ਬੈਂਕ ਗਾਰੰਟੀ ਦੀ ਸਹੂਲਤ ਦਿੱਤੀ ਗਈ ਸੀ। ਕਈ ਹੋਰ ਪ੍ਰਾਪਰਟੀਆਂ ਬੰਧਕ ਰੱਖਣ 'ਤੇ ਨਕਦ ਕਰਜ਼ਾ ਸਹੂਲਤ ਸਾਲ-ਦਰ-ਸਾਲ ਵਧਾਈ ਜਾਂਦੀ ਰਹੀ। ਇਸੇ ਦੌਰਾਨ ਕੰਪਨੀ ਨੂੰ ਇਕ ਭਾਈਵਾਲੀ ਫਰਮ ਦੇ ਰੂਪ ਵਿਚ ਬਦਲ ਦਿੱਤਾ ਗਿਆ ਤੇ ਇਸ ਵਿਚ ਬਿੰਦੂਸਾਗਰ ਰੈੱਡੀ ਨੂੰ ਭਾਈਵਾਲੀ ਦੇ ਰੂਪ ਵਿਚ ਸ਼ਾਮਲ ਕਰ ਲਿਆ ਗਿਆ। ਕਰਜ਼ਾ ਨਾ ਅਦਾ ਕਰਨ ਕਰਕੇ 2015 'ਚ ਕੰਪਨੀ ਵਲੋਂ ਲਿਆ ਗਿਆ ਕਰਜ਼ਾ ਐੱਨਪੀਏ ਐਲਾਨ ਦਿੱਤਾ ਗਿਆ। ਇਸ ਤੋਂ ਬੈਂਕ ਨੂੰ 8.20 ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ।

from Punjabi News -punjabi.jagran.com https://ift.tt/2VDzPAz
via IFTTT