ਨਾਗਾਲੈਂਡ 'ਚ ਨਾਜਾਇਜ਼ ਖਾਨ ਧਸਣ ਨਾਲ ਚਾਰ ਮਜ਼ਦੂਰਾਂ ਦੀ ਮੌਤ

ਕੋਹਿਮਾ : ਨਾਗਾਲੈਂਡ 'ਚ ਚੱਲ ਰਹੇ ਨਾਜਾਇਜ਼ ਮਾਈਨਿੰਗ ਦੌਰਾਨ ਖਾਨ ਧੱਸ ਗਈ। ਇਸ 'ਚ ਚਾਰ ਮਜ਼ਦੂਰਾਂ ਦੀ ਮੌਤ ਹੋ ਗਈ। ਸਾਰੇ ਅਸਾਮ ਦੇ ਨਿਵਾਸੀ ਦੱਸੇ ਜਾ ਰਹੇ ਹਨ। ਪੁਲਿਸ ਮੁਤਾਬਕ, ਲੋਂਗਲੈਂਗ ਜ਼ਿਲ੍ਹੇ ਦੇ ਯੋਂਗਲੋਕ ਪਿੰਡ 'ਚ ਸ਼ਨਿਚਰਵਾਰ ਨੂੰ ਚਾਰ ਮਜ਼ਦੂਰ ਅਸਾਮ-ਨਾਗਾਲੈਂਡ ਸਰਹੱਦ 'ਤੇ ਸਥਿਤ ਕੋਲਾ ਖਾਨ ਦੇ ਅੰਦਰ ਸਨ।

ਇਸੇ ਦੌਰਾਨ ਖਾਨ ਧੱਸ ਗਈ। ਪਿਛਲੇ ਦਿਨੀਂ ਸੂਬਾ ਸਰਕਾਰ ਵੱਲੋਂ ਇਸ ਖਾਨ ਨੂੰ ਮਾਈਨਿੰਗ ਲਈ ਨਾਜਾਇਜ਼ ਐਲਾਨ ਕਰਦਿਆਂ ਬੰਦ ਕਰ ਦਿੱਤਾ ਗਿਆ ਸੀ। ਮਿ੍ਤਕਾਂ ਦੀ ਪਛਾਣ ਜਿਤੇਨ ਤਾਂਤੀ (40), ਕ੍ਰਿਸ਼ਨਾ ਗੋਗੋਈ (32), ਟੂਟੂ ਡੇਕਾ (28), ਸ਼ੁਸਨ ਫੂਕਨ (37) ਦੇ ਤੌਰ 'ਤੇ ਹੋਈ।

ਇਹ ਘਟਨਾ ਮੇਘਾਲਿਆ 'ਚ ਹੋਏ ਅਜਿਹੇ ਹੀ ਇਕ ਹਾਦਸੇ ਤੋਂ ਤਿੰਨ ਮਹੀਨੇ ਬਾਅਦ ਹੋਈ ਹੈ। ਉੱਥੋਂ ਦੇ ਈਸਟ ਜੈਅੰਤੀਆ ਹਿਲਸ ਜਿਲ੍ਹੇ 'ਚ ਨਾਜਾਇਜ਼ ਮਾਈਨਿੰਗ ਦੌਰਾਨ ਹੋਏ ਹਾਦਸੇ 'ਚ 15 ਮਜ਼ਦੂਰ ਮਾਰੇ ਗਏ ਸਨ। ਉਨ੍ਹਾਂ 'ਚੋਂ ਦੋ ਦੀਆਂ ਹੀ ਲਾਸ਼ਾਂ ਬਰਾਮਦ ਹੋਈਆਂ ਸਨ।

from Punjabi News -punjabi.jagran.com https://ift.tt/2SGwOgP
via IFTTT